Ідэя дадзеных сэлф-мэйд фатаздымкаў належыць галяндзкаму фатоґрафу (ці не фатоґрафу;) Хэрту Рытвельду [Gert Rietveld]. Менавіта ён першым паставіў свой фоцік, уключыў таймер на 2 сэкунды й пабег так хутка, як толькі мог. Вось такім чынам і нарадзіліся так званыя "зьбегі ад камэры".   Сам Хэрт рэгулярна закідвае свае зьбегі на спэцыяльна створаны для гэтага блоґ. Народ падхапіў ідэю, і, акрамя розных прыватных фотак/альбомаў, на flickr-com узьніклі дзьве суполкі на дадзеную тэму (тут і тут). Невялікую выбарку здымкаў можна ўбачыць у гэтым альбоме.   І тут няма нічога дзіўнага: за простай канцэпцыяй хаваецца велізарны пласт арыгінальных варыяцый зьбегаў. Да і для гэтага ня трэба прафэсійнай тэхнікі й нейкіх навыкаў: хопіць самага звычайнага фоціку, ног і кроплі крэатыву (асаблівасьць вашага зьбегу можа заключацца ў арыгінальнасьці непасрэдна бегу, незвычайнасьці месцаў і г.д. на ваш густ). Гэта й ёсьць сапраўдны DiY! А вынік заўсёды як мінімум цікавы.   Мэтамі ініцыятывы "Зьбегчы ад фоціку" зьяўляюццы папулярызіцыя дадзенага варыянту сэлф-мэйд фатаздымкаў ды агітацыя прафэсійных фатоґрафаў і простых аматараў фоткаць свае ўласныя зьбегі. Цікавыя рэзультаты зьбегаў вы можаце закінуць у агульны архіў (а ён знаходзіцца тут) ініцыятывы двума спосабамі:
  1) калі вы зарэгістраваны ў сацыяльнай сэтцы vk-com, то можаце закінуць у наш альбом (з умовай, што быдзе спасылка на фотку ў арыгінальным памеры; заліць яе можна, як прыклад, на партал fastpic-ru; абавязкова пісаць свае кантакты; вітаюцца любыя камэнтары да фоткі);
  2) даслаць фоткі непасрэдна на наш e-mail zbieh[at]tut.by (зноў-ткі вітаецца прысутнасьць камэнтаў).
  Пасьля таго, як зьбярэцца патрэбная колькасьць фотак (што залежыць выключна ад вашай актыўнасьці й арыгінальнасьці вашых прац), мы выйдзем за межы інтэрнэту ды пакажам усё самае лепшае ў адной з галерэй Менску (гэта як мінімум).
Рэальны шанец засьвяціць свае ногі й, калі пашансуе, сваю жопу;))   Гэта на самой справе весела. Трэба толькі паспрабаваць, і вы самі пераканаецеся ў гэтым.